سته شهر سته عام سته وثلاثين
فزع عريب الجد سقم المعادي
ابوفهد سلمان زبن المخلين
يوم استصاح وقام ينخاه هادي
حرك صقور الجو في الحزم عجلين
وقال ابشر بفزعت صقور الهدادي
تجيك فزعتنا على طول ذلحين
ونعلن على روس الملاء بالجهادي
ويجونك الجيش السعودي موامين
يبون ريح الموت عمدن صمادي
وحنا هل التوحيد دونه سلاطين
احفاد ابوبكر وعمر يالمعادي
وعقب العزاوي ولعت ياحمر العين
وقمت وفعلت وقلت علمن وكادي
وخليت صنعاء تصطلي بين نارين
ولبيت ندى اللي قام بسمك ينادي
وقامت اذناب الفرس تخسر ملايين
وصارت جثثها بكل شعبن ووادي
يانافدى اللي ماترده قوانيين
ولاضله الشيطان درب الرشادي
ويالحوثي ألق اللي فعلته من سنيين
الموت جاك وشلتك في زهادي
ومصيركم على جهنم مولين
ياهل الوجيه اللي غشاها السوادي
وسلام لمحمد صعوط المجانيين
ولد ملكنا اللي تعلى الشدادي
وقف بجنب ابوه شوق المزايين
وقال الملك سلمان وأنا القيادي
وزير الدفاع ابن الملوك السلاطين
حكام نجد اهل الوفاء والسدادي
واختامها ماباقي الا فلسطين
عقب اليمن نجهز الهاء العتادي
وترجع لنا هيبة املوك الثقالين
ويرجع لنا عز مضى مايبادي
الشاعر/محمد غانم الجذع القحطاني ...
ليست هناك تعليقات:
إرسال تعليق