يوم استغاث الجار ياعزوة الدار
الهيس طامع في عرين النماره
الحوثي الغدار مندوب الاشرار
ذيلاً وعمر الذيل مابه طهاره
قالوا هل التوحيد ماعنك معذار
المعتدي لازم يشوف الخساره
سلمان سلمان السعد واف الاشبار
مخراز عين الي بعينه حماره
قال اشهروا عاداتكم دوس الاخطار
يشهد لكم تاريخكم بالجساره
اسقوا عميل الفرس كاسات الامرار
درسآ عمامه يشربوا من مراره
طارو صقور العز في عز للجار
بامرآ من اللي يحتمي دون جاره
ابطال والفزعات دايم لهم كار
عدوهم لاجوه جاه احتضاره
احفاد من بالقادسيه لهم خار
رستم وراحة هيبته واعتباره
كواسرآ عاداتهم بيع الاعمار
في ساحة الميدان فيهم جباره
لا والله الا جاه علمآ به النار
علمآ جعل ليله يشابه نهاره
يبقى لمن في نفسه الزود تعبار
والمنعوج يرجع يعدل مساره
اقوالنا افعالآ تشاهد بالأنظار
الكلب مارد الاسد عن مغاره
سليمان ابو طلحي الهلبان العطوي
ليست هناك تعليقات:
إرسال تعليق