🇸🇦🇸🇦💚💚💚🇸🇦🇸🇦
ببتدي بالشعر والطرق القصير
ببدعه واللقيه من هذا المقام
للوطن بنفوسنا شي(ن) كبير
ماخذينا الا غلاه .. ولآ نلام..!
ياوطنا .. ياوطنا أنت .. غير
دام عزك ياوطنا .. دام .. دام
من تردى بالوطن مافيه خير
ومن جحد خير الوطن عيشه حرام
ياوطنا .. شف جنودك تستنير
جاهزين بحرب .. وإلا في سلام
من فريق اليا لواء لأحدث خفير
كل ابونا جاهزين(ن) بالتمام..!
العدو له عندنا سيف(ن) شطير
يسلب الارواح .. ويقص العضام
وان تحاكى بالمحازم والجفير
ردنا بالنار .. ماهو بالكلام..!
كم خذينا حق لعيون القصير..!
وعند حدك ..كلنا.. درع وحزام
جعل دايم ياوطن.. وانت بخير
وجعله يدوم الامن بك والسلام
الشاعر/الرائد
ممدوح مهرب الرويلي
🇸🇦🇸🇦💚💚💚🇸🇦🇸🇦
صح لسانك.... ونعم فيكم ... كلنا للوطن درع وحزام
ردحذف