لا غنّت أوراق الشجر فوق الغصن
لا بارك الله فيك يافصل الخريف
حنا وطن واحد ولكن يا وطن
ما همّنا لو كشّر الوجه المخيف
وإن كان طهران الفتن تبغى الفتن
قولو لها تبطي مع الشعب الشريف
لو غنت عيال الخميني بالمحن
ناقف مثل سد العلا والا عفيف
قولو لصنعاء لا طغى حوثي عدن
حنا لها يابنت بالسيف الرهيف
قبلك سهرنا الليل مانام الجفن
لاجل المنامه ما بلشنا بالحليف
مايذبح كبود الرجال إلا الغبن
وشلون لا جته المسبّه من سخيف
صبّي على كفّه من العكّه سمن
اللي فزع للضيف والجار الضعيف
وإن كانها فتنه ومدفوع الثمن
حنا نبيع الروح للدين الحنيف
الله يجنبنا المصايب و المحن
دام السفينه واقفه عند الرصيف
ولا غنّت الذكرى على نفس اللحن
يطري علي الشوق و الحب العفيف
للدار واللي فوقها عاش وسكن
مانرخصك يادارنا لأجل الرغيف
حنا وطن واحد على مر الزمن
من الحديثه لين جيزان المصيف
نلبس لجل عينك من الطنخه كفن
وندق راس الداب من عقب الوحيف
الله يديم العز ويدوم الامن
ويرد كيد الرافضه وأهل القطيف
معجب الصقيري
ليست هناك تعليقات:
إرسال تعليق