سلم على اللى مرابط في سما الخوبه
واللـي علـى مدفعـه والـلـي بدبـابـه
واللـي بدوريتـه واللـي مـسـك نـوبـه
والـلـي بقـمـة جـبـل دخــان مرقـابـه
واللـي ركـز رايـة التوحـيـد منصـوبـه
خضـرا ترفـرف عزيـزة ربــع منهـابـه
هـامـات ماتنحـنـي وأعـمـار مجلـوبـه
فـي بورصـة المـوت مجلوبـه وجلابـه
ياماحـلـى جــرة الحـوثـي بعـرقـوبـه
حتـى يعـاف الحـدود ويكـره أصحـابـه
اصحابـه اللـي غـدولـه هــم وعقـوبـه
الـلـي مـلـو جعبـتـه بـأحـلام كـذابــه
هملـق جـت لجيـش الـفـرس منـدوبـه
متخـلـطـه مـــن حـرامـيـة ونـصـابــه
لويعـرفـون الـسـعـودي ماتمـهـزوبـه
ولا قــادوا ركابـهـم لـلـشـر بـركـابـه
باعـوا (يمنهـم) وعهـد الجـار خانـوبـه
لين أونسـو حرهـا مـن ضـرب مخلابـه
راحــت طوابيـرهـم خــذلا ومرعـوبـه
وصفـوف متشرذمـه ونفـوس مرتابـه
جونا من الطيش فـي سكـرة وغيبوبـه
وأقفـوا وكـلٍ يعـض مـن النـدم نـابـه
دايــم وعـــدوان بـيــت الله منـكـوبـه
من عصر جيش أبرهه والفيل وأسرابه
اللـي يبـي سلمـنـا نعطـيـه مطلـوبـه
السـلـم سـلـم لـنـا والـشـرع وصـابـه
جنـاتـنـا وارفـــه والـنــار مـشـبـوبـه
وبالخـيـر حـنـا لـهـا وللـشـر حـرٌابــه
ومن جـا مصافـح نوفـي حـق ماجوبـه
مساعد الرشيدي
ليست هناك تعليقات:
إرسال تعليق