. (((( عاصفة الحزم ))))
سلمان قاد العاصفه ﻻعدمناه
معه دول خليجنا صف وانصار
ملك ملوك العرب بالعز شفناه
النادر اللي وافين فوق اﻻشبار
صقور جو المملكه ﻻفقدناه
ضرباتهم دمار للخاين الضار
ياما .. ملكنا . حذره .. ثم رباه
بمقاتلاتن فوقها فهود واحرار
جاك المليك اللي على العز منشاه
سليل منهو للخطر صار سبار
الفعل .. فعله والحلايا . حﻻياه
اخو فهد(حلمي به) اليوم قدصار
وانا .. بلشت .. افسره وين معناه
قال الخطر يزول والخصم بالنار
يطول عمره .. والعدو هد مبناه
اركا على جوف العدو كل اﻻخطار
له .. كلمت(ن) يقالها .. مانتعداه
عزالله .. انه لشياطين .. حشار
من ناصره عسى المنايا .. تعداه
ومن خالفه يشوف غبنه وينهار
ياناصر اﻻسﻻم خصمك .. توطاه
ومن ناصرك منصورمن كل اﻻقطار
نصرك رب الكون بالعز .. ورضاه
وكﻻ دعالك ربنا وقت .. اﻻسحار
امن .. (اليمن) يهمنا .. ماعطيناه
مثل الخليج .. بقلبنا عز مقدار
ياهل اليمن سلمان طوح .. ابيمناه
يبيلكم عز على كل اﻻمصار
مرافت(ن) بحوالكم . والصطر جاه
وعدوكم .. معثور تكرار تكرار
ابو فهد .. لاقال .. فعله .. حماياه
ماهو من اللي كلمته مالها كار
تبشروا ياهل اليمن في .. مﻻقاه
الحوثي .. الغدار ياطاه جبار
شوفوا . شلايا جثته حول مغزاه
سلمان سيف العرب للخصم بتار
اخوان .. نوره .. عز للي .. تنصاه
هذا اﻻكيد وﻻبها قول ونكار
كل الخليج بحزت الضيق مدعاه
حكامهم ضد المعادي اليا ثار
مابه خليج ومملكه كلنا .. ارماه
عدونا نكسر سنونه واﻻنظار
العاصفه بالحزم .. هذي . سواياه
صرح لها سلمان . مشهور اﻻذكار
وعضوده .. الوافين مثله بشلفاه
عجوهم ماله مع العز معبار
وصﻻة ربي عد غيث(ن) نثر ماه
على الرسول اعداد من سار من طار
الحميدي ابن صنعاء العنزي
ليست هناك تعليقات:
إرسال تعليق